Rreth 10 përqind e rritjes së kolesterolit të keq te gratë vjen si pasojë e ndryshimeve hormonale gjatë menopauzës, që do të thotë se terapia e zëvendësimit të hormoneve mund të ndihmojë, zbuloi një studim i fundit.

Menopauza u shoqërua me ndryshime në nivelet e 85 metabolitëve, me deri në 11% rritje të lipoproteinës me densitet të ulët, ose LDL, kolesterolit, i quajtur edhe kolesteroli “i keq”, treguan të dhënat e paraqitura nga Gazeta Europiane e Kardiologjisë Parandaluese, transmeton portal arbresh.info

Këto ndryshime, të cilat përfshinin gjithashtu rritje të triglicerideve, acideve yndyrore dhe aminoacideve, dukej se ndodhin së bashku me rënien e estrogjenit dhe rritjen e hormonit stimulues të folikulave ose rritjes së flokëve, që shihet tek gratë që përjetojnë menopauzë, thanë studiuesit.

Ndryshimet në nivelet e estrogjenit dhe të hormoneve stimuluese të folikulit përbënin afërsisht 10 përqind të rritjes së kolesterolit të keq dhe efektet e tyre mund të ndryshohen vetëm përmes terapisë së zëvendësimit të hormoneve.

Studimi i kryer nga Universiteti Jyvaskyla në Finlandë gjeti se ndryshimet hormonale gjatë menopauzës me ndryshimet metabolike nxisin edhe sëmundjet e zemrës.

“Menopauza është e pashmangshme, por është e mundur që ndryshimi negativ i metabolitit mund të zvogëlohet duke ngrënë shëndetshëm dhe duke qenë fizikisht aktive”, tha autorja e studimit Eija K. Laakkonen.

Gratë zakonisht përjetojnë menopauzë midis moshës 48 dhe 52 vjeç, sipas Kolegjit Amerikan të Obstetërve dhe Gjinekologëve./arbresh.info/